Kontzertua: Bette Smith

Apirilaren 6an, larunbata, Bette Smithek Convent Garden-eko Cripta gospel eta soul-ez beteko du “Jetlager”, bere lehendabiziko albuma, Brooklynetik aurkeztera etortzerakoan.

Diska hau grabatzeko, Memphis eta Mississipiko sustrai musikalekin bat egin behar izan zuen. Bertan grabatu zuenez, elizan abesten zuen gospelera eta New Yorkeko auzoan entzuten zuen soul musikara itzuli zen.

“Jetlager”ekin, Bettek bere anaia hil baino lehen honi egindako promesa betetzen du: abeslari bezala ez duela amore emango. “Guzti hau berarengatik egiten dut”, dio.

Diska osoa zuzenean grabatu zen, Mississippiko zingirez eta hegoaldeko soul-aren ondareaz inguraturik, baina baita Betteren newyorktar pasio eta agresibitatearekin ere. “Tina Turner eta Etta James bezala sentitzen nintzen”, ziurtatzen du abeslariak, soul-rock, funk eta Blaixpotation-aren soinu-bandetatik hartutako soinuetan trebetasunez murgilduz. Musika atenporala (soul, rhythm & blues), Mississippiko kutsu paregabearekin.